TITORIAL PARA ENVÍO DE TAREFAS: MANUAL OFFICE LENS

 

                                      MANUAL OFFICE LENS PARA ENVÍO DE TAREFAS

PRESENTACIÓN DO PROTOCOLO PARA AS CLASES DE EDUCACIÓN FÍSICA POR MOR DA COVID-19

PROTOCOLO PARA AS CLASES EF 

MATERIAL NECESARIO PARA AS CLASES DE EDUCACIÓN FÍSICA.

Deberedes traer unha bolsa ou mochila pequena (so para EF) cun “kit de E.F.”. 

Este consistirá no seguinte:

·      Unha esterilla deportiva identificada, para facer exercicio enriba dela no chán.

·      Unha máscara e un estoxo identificados para gardala de xeito seguro cando sexa necesario retirala. Sería aconsellable unha máscara de reposto.

·      Solución hidroalcohólica para unha desinfección frecuente das mans, ben identificada.

·   Botella de auga individual claramente identificada. Non existirá a posibilidade de hidratación en billas polo que cada alumno/a será o responsable da súa hidratación. Non se poderá compartir a botella de auga.

·      Roupa de cambio identificada: Camiseta e calcetíns, para cambiarse ao rematar a clase.

·     Toalla pequena identificada ou toallitas hixienizantes, para asearse ao rematar a clase no vestiario.

·   Roupa de abrigo, paraugas (en caso de ser necesario…) Imos facer clase a meirande parte do tempo ao aire libre.

BENVIDOS!

        Comenzamos o curso académico 2020/2021, un curso marcado pola COVID-19 que fará que aprendamos moito máis do que cremos.

         Quero dar unha benvida especial ao alumnado máis novo, os de 1º ESO, este IES vaivos encantar, ídes estar moi ben e contentos, e estou segura de que este ano máis que nunca o alumnado dos outros cursos vaivos axudar a tope, así que disfrutade cada momento desta etapa que comenzades.

        Eu estou especialmente contenta, porque podereivos ensinar a diario presencialmente e aínda que teremos que guardar a distancia de seguridade e non poderemos vernos as caras, lembrade que os ollos son o espello do alma.

        Como sempre podedes seguir contando conmigo para o que necesitedes, seguireivos axudando no que precisedes tal como o fixen ata o de agora, hai cousas que nunca cambiará unha pandemia.

    As primeiras entradas neste blog estarán adicadas ao protocolo de uso das instalacións deportivas do centro e ao material necesario para as clases de Educación Física.

        Gracias a todos por voltar con saúde ao centro!